Shqipëria dhe Maqedonia do të presin vitin e ardhshëm për mundësinë e hapjes së negociatave për anëtarësim në BE. Në një mesazh të shpërndarë në “Tuiter” nga Komisioneri për Zgjerimin, Johannes Hahn, thuhet se vendosja e këtij afati është një sinjal i rëndësishëm për progresin që ka bërë rajoni.
“Rrugëtimi drejt hapjes së bisedimeve të anëtarësimit në qershor të vitit 2019 bëhet i qartë. Një sinjal kyç për rajonin se progresi i bërë shpërblehet, sikurse edhe vendimtar për besueshmërinë e vet në BE”, shkruan Hahn.
Deklarata e Hahn në "Tuiter" erdhi pas përfundimit në Luksemburg të diskutimeve të ministrave të Jashtëm të 28 vendeve anëtare të BE-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
