Turqia ka gjobitur kompaninë Meta Platform, në pronësi të themeluesit të Facebook, Mark Zuckerberg, duke e akuzuar atë se nuk respekton rregullat e konkurrencës në fuqi në vend.
Sabah raporton se autoriteti turk i konkurrencës i ka kërkuar kompanisë Meta 346.72 milionë lireta (rreth 18.63 milionë dollarë) për pozicionin dominues në shërbimet e rrjeteve sociale dhe në reklamat video online, gjë që pengonte konkurrentët.
Gjoba bazohet në të ardhurat e kompanisë për vitin 2021, kur një hetim u nis pasi Whatsapp dhe Facebook u kërkuan përdoruesve të tyre të pranonin mbledhjen e të dhënave, duke përfshirë numrat e telefonit dhe vendndodhjet. Meta do të mund të paraqesë kundërshtime brenda 60 ditëve, tha autoriteti turk i konkurrencës. Një zëdhënës i kompanisë, i cituar nga Sabah, tha se Meta nuk beson se raporti i autoriteteve turke është i saktë dhe po shqyrton të gjitha opsionet për t'iu përgjigjur gjobës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
