Presidenti Joe Biden thotë se transporti ajror amerikan nga Kabuli do të vazhdojë pavarësisht një sulmi xhihadist që vrau mbi 90 njerëz, përfshirë 13 anëtarë të shërbimit amerikan.
"Ne duhet ta përfundojmë këtë mision dhe nuk do të pengohemi nga terroristët " tha ai, teksa u zotua se do të gjej autorët dhe do ti ndëshkoj, “Ne nuk do të falim. Ne nuk do të harrojmë. Ne do t'ju gjejmë dhe do t'ju bëjmë të paguani”
Më shumë se 100,000 njerëz janë evakuuar nga Afganistani, i cili ra në duart e talebanëve më 15 gusht.
Por shumë më tepër afganë kanë nxituar në aeroport përpara afatit të 31 gushtit për largimin e forcave amerikane.
Sulmet e së enjtes ndodhën rreth orës 18:00 me kohën lokale (13:30 GMT). E para shënjestroi Portën e Abbey - ku forcat amerikane dhe britanike po kontrollonin njerëzit që hynin në aeroport dhe u pasua nga të shtëna me armë.
Minuta më vonë, shpërthimi i dytë ndodhi në një hotel që po përdoret nga zyrtarët britanikë për të kontrolluar afganët që shpresojnë të udhëtojnë në Mbretërinë e Bashkuar.
Turma të mëdha ishin mbledhur në zonë me shpresën se do të lejoheshin në një fluturim evakuimi - pavarësisht paralajmërimeve nga zyrtarët amerikanë dhe britanikë për një rrezik të konsiderueshëm të sulmeve vetëvrasëse nga IS -K, dega rajonale e Shtetit Islamik.
Grupi xhihadist më vonë tha se kishte kryer shpërthimet e së enjtes.
Sulmi ka të ngjarë të komplikojë ndjeshëm përpjekjet për evakuim përpara afatit të 31 gushtit.
Aktualisht janë 5.800 trupa amerikanë në terren në aeroportin e Kabulit me 1.000 trupa të tjerë britanikë gjithashtu atje.
Deri më tani, 104,000 civilë janë transferuar nga Afganistani, përfshirë 66,000 nga SHBA dhe 37,000 nga aleatët dhe partnerët.
Rreth 5,000 njerëz janë duke pritur në aeroport dhe shumë të tjerë ende po përpiqen të kalojnë pikat e kontrollit rrethues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
