Një bombol e paplasur është ende në vendin ku ndodhi shpërthimi i djeshëm në Lushnjë që la pas 2 të vdekur (babë e bir), disa të plagosur dhe dëme të shumta materiale.
Korrespondentja e MCN TV në Lushnjë bën me dije se ditën e sotme në vendin ku ndodhi shpërthimi kanë shkuar përfaqësues nga Inspektorati Shtetëror Teknik dhe Industrial, njësia anti-eksploziv, prokurorja e fierit, policia e Lushnjës dhe inxhinier të OShEE.
Mësohet se 1 nga të plagosurit ka dalë nga spitali mëngjesin e sotëm, ndërkohë që tre të tjerët ndodhen ende nën kujdesin e mjekëve por në gjendje të mirë shëndetësore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
