Shtatë persona u arrestuan mbrëmjen e djeshme ku qindra shqiptarë u mblodhën në qendër të Londrës për të festuar Ditën e Pavarësisë.
Rreth 1,000 njerëz u mblodhën pranë Stacionit Waterloo dhe Embankment të martën në mbrëmje për të festuar 28 nëntorin. Policia Metropolitane tha se bëri shtatë arrestime pasi një grup u bë i dhunshëm.
Veprat përfshinin sulmin ndaj oficerëve të policisë, hedhjen e fishekzjarreve dhe moszbatimin e një urdhri për shpërndarje, i cili ishte në fuqi deri në orën 4 të mëngjesit të së mërkurës dhe shtrihej deri në Soho dhe Westminster.
Më herët, policia tha se vlerësoi se "rreth 1,000 njerëz" ishin mbledhur në rrugën Belvedere si pjesë e një demonstrate.
Ata thanë se një burrë u arrestua pasi hodhi një fishekzjarre, ndërsa dy makina u ndaluan sepse njerëzit "valëvisnin flamujt shqiptarë nëpër makina në lëvizje".
Më shumë arrestime u bënë pasi një grup i shkëputur përfundoi në York Road dhe u bë "konfrontues dhe agresiv me shishet e hedhura ndaj oficerëve".
Oficerët ndaluan gjithashtu edhe disa kolona makinash që udhëtonin në Londrën qendrore me një numër shoferësh të raportuar për shkelje të drejtimit dhe disa automjete të sekuestruara.
Rreth 140,000 shqiptarë banojnë në MB, thuhet në një dokument qeveritar për migracionin në qershor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
