Pesë zakone të mira që zgjasin jetën tuaj me të paktën 10 vjet

Ne gjithmonë shpresojmë të jetojmë sa më gjatë që të jetë e mundur, por në të njëjtën kohë ndjekim stilet e jetës që nuk ndihmojnë në mbajtjen e trupit tonë të shëndetshëm, siç është varësia nga alkooli dhe pirja e duhanit.

Tani studiuesit na zbulojnë cilat janë pesë zakonet që duhet të kemi për të zgjatur jetën tonë me të paktën dhjetë vjet.

Për të na dhënë një përgjigje, studiuesit analizuan të dhënat e mbledhura nga dy studime të mëdha kohore që marrin parasysh aspekte të ndryshme të jetës sonë të përditshme, nga dieta te informacioni mjekësor dhe zbuluan se për të zgjatur jetëgjatësinë tonë duhet:

Të ndaloni pirjen e duhanit

Hani shëndetshëm

Aktivitet fizik të paktën 30 minuta në ditë

Mbajtja e peshës nën kontroll (18.5-24.9 kg / m)

Zvogëloni konsumin e alkoolit (15g / ditë për gratë dhe midis 5 dhe 30 gramë në ditë për burrat)

Nga të dhënat e mbledhura doli se ata që ndoqën të pesë këshillat rreziku i vdekjes u zvogëlua me 74%, rreziku i vdekjes nga sëmundjet kardiovaskulare u zvogëlua me 82% dhe rreziku i vdekjes nga kanceri u zvogëlua nga 65%.

Studiuesit argumentojnë se ekziston një lidhje e drejtpërdrejtë midis sjelljes së dikujt dhe rrezikut të vdekjes së parakohshme dhe se përqafimi i të këtyre 5 zakoneve zgjat realisht jetëgjatësinë: ne po flasim për 14 vjet më shumë për gratë dhe 12 më shumë për burrat.