Toska: Trend janë bërë emrat e veçantë, mirë është që emri të ketë një histori

Gjuhëtarja dhe pedagogia Teuta Toska thotë se ne jemi një popull që ndryshe nga fqinjët tanë e ndryshojmë shumë “modën” e vendosjes së emrave.

Në emisionin “Zgjohu me MCN” ajo u shpreh se në komunizëm kishte një vetëdije për të vendosur emra etnik. 

Pas viteve ‘90-të kur këshillimi nga regjimi mori fund, njerëzit u ndjenë të lirë, fillimisht bashkimi i emrit u përhap, ndërsa tani është trend që të të jetë emër i veçantë.

Emri ynë është mirë të ketë një histori. Se sa herë që ne prezantohemi me dikë pyetja më e zakonshme është çfarë do të thotë emri yt.

Trendi për të pasur emra të panjohur e zhysin fëmijën në boshllëk, rëndësi ka që prindi ti japë fëmijës një emër të mirë. para shumë vitesh njerëzit kishin shumë fëmijë, aq sa dhe emrat e fëmijëve mbaronin.

Prirja e njeriut është që të gjejë një lidhje me emrin që ka. vendosja e emrave të prindërve apo të paraardhësve, është shumë e rëndësishme. Ka emra që kanë 2000 vite që vendosen. 

Është shumë e rëndësishme të kesh emrin e gjyshit, stërgjyshit, se është çështja e pronësisë. 

Drejtshkrimi e ndalon përdorimin e apostrofit tek emrat e përveçëm. Nga ana gjuhësore duhet qortuar.