Aleksandër Vuçiç së fundmi ka dhënë një mesazh të qartë për negociatorët mes Serbisë dhe Kosovës. Presidenti serb, në konferencën për shtyp pas ceremonisë përmbyllëse të Javës së Fëmijëve në Pallatin "Serbia", është shprehur se është gati të diskutojë për kompromise të ndryshme, por nuk pranon ultimatume kur bëhet fjalë për Kosovën dhe Metohinë.
I gjithë ky diskutim ndodhi teksa u përmend vizita e paralajmëruar e Miroslav Lajçak, të dërguarit të BE-së për dialog mes Prishtinës dhe Beogradit.
"Shpresoj se BE do ta kuptojë mirë që dikush nuk mund të nënshkruajë marrëveshjen në Bruksel dhe pastaj të bëjë deklarata të cilat mohojnë ekzistencën e Bashkimit të Komunave Serbe dhe në të cilat ata thonë se Serbia duhet të njohë Kosovën dhe se ata më pas do të formojnë KPK. Këto janë gjëra të pamundura dhe Serbia është gjithmonë e gatshme të diskutojë për kompromise të ndryshme, por që duhet të jetë një kompromis dhe jo një ultimatum,"-theksoi Vuçiç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
