Kjo video tregon momentin kur një Ferrari 458 Spider që kushton 200 mijë paund, është shtypur në një pikë grumbullimi për skrap pasi ju sekuestrua pronarit.
Super-makina e Zahid Khan u konfiskua nga policia prillin e kaluar kur ai u fut në Birmingam, dhe oficerët i thanë atij se dyshohej të ishte e vjedhur, ndërsa drejtuesi nuk arriti të siguronte dokumentet.
Ai pretendon se policia e ka shkatërruar makinën gabimisht, ndërsa shkoi nëpër gjykata për të provuar pronësinë, ndërsa sot publikoi pamjet e shkatërrimit të mjetit.
Problemet e zotit Khan filluan pasi ai u akuzua si pronar mashtrues në dhjetor 2016 dhe u dënua me 150 orë shërbim në komunitet.
Kur shkoi të apelonte vendimin në mars 2017, parkoi Ferrarin jashtë gjykatës së Birmingham.
Disa javë më vonë, makina e tij u bllokua kur u ndalua më 5 prill. Teksa vazhdoi betejën ligjore në gjykata, burri zbuloi se makina e tij ishte shkatërruar, sepse policia kishte paraqitur dokumentet me një gjykatë që i hapte rrugë një procesi të tillë.
Policia tha se makina nuk kishte asnjë sigurim të vlefshëm dhe duhej të shkatërrohej.
Tani Khan ka postuar video të shkatërrimit të makinës që ai pretendon se është marrë nga policia.
Në një reagim në rrjetin social "Facebook" Khan tha: "Unë nuk mund të besoj se ata kanë shkatërruar makinën time".
Një milioneri 31-vjeçar thotë se e bleu makinën e tij të çmuar nga një kompani e madhe ankandi. Por policia e shtypi atë, pasi ata thonë se e gjetën të pasiguruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
