<p>Aktorja Julia Ormond ka ngritur një padi kundër Harvey Weinstein, duke pretenduar se ai ka abuzuar seksualisht me të në vitin 1995 pas një darke në Nju Jork.</p> <p>Ylli i "Legends of the Fall" po kërkon gjithashtu dëmshpërblim nga Disney, Miramax dhe ish agjencia e saj, pasi sipas saj ata nuk arritën ta mbronin atë nga abuzimi.</p> <p>Weinstein aktualisht po vuan një dënim me 23 vjet burg për përdhunim.</p> <p>Ormond, e njohur për rolet në filmat e viteve '90 First Knight, Smilla's Sense of Snow dhe Sabrina pretendon se karriera e saj nuk u rikuperua kurrë pas sulmit nga Weinstein.</p> <p>Në padi argumentohet se në kulmin e karrierës, Ormond dhe Weinstein u kthyen nga një darkë pune në një apartament të siguruar nga kompania e prodhimit, Weinstein u zhvesh lakuriq dhe e detyroi atë të kryente seks oral ndaj tij.</p>
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
