BE përditëson listën, Shqipërisë i hiqen kufizimet për udhëtimet

Këshilli i Bashkimit Europian u kërkon heqjen e kufizimeve të udhëtimit për Shqipërinë dhe për 19 vende të tjera, pas përmirësimit të situatës epidemiologjike.

Këshilli azhurnoi listën e vendeve të treta, entiteteve dhe rajoneve speciale administrative dhe autoriteteve territoriale për të cilat duhet të hiqen kufizimet e udhëtimeve jo-thelbësore.

Siç përcaktohet në rekomandimin e Këshillit, kjo listë do të vazhdojë të rishikohet çdo dy javë dhe, sipas rastit, të azhurnohet.

Bazuar në kriteret dhe kushtet e përcaktuara në rekomandim, që nga 18 qershori 2021 vendet anëtare duhet të heqin gradualisht kufizimet për udhëtimet jo thelbësore në kufijtë e jashtëm për banorët e vendeve të treta vijuese:

Shqipëri

Australi

Izrael

Japoni

Liban

Zelanda e Re

Republika e Maqedonisë së Veriut

Ruanda

Serbia

Singapori

Korea e Jugut

Tajlandë

Shtetet e Bashkuara të Amerikës

Kina, subjekt i konfirmimit të reciprocitetit

Kriteret për të përcaktuar vendet e treta për të cilat duhet të hiqet kufizimi aktual i udhëtimit u azhurnuan më 20 maj 2021.