Gjykata e Lartë cakton datën 2 tetor për të shqyrtuar kërkesën e bërë nga kryebashkiaku Erion Veliaj, për ndryshim të masës së sigurisë.
Relatore e seancës do të jetë gjyqtarja Albana Boksi.
Veliaj ndodhet pas hekurave që prej 10 shkurtit 2025, kur dhe u arrestua me urdhër të GJKKO pas kërkesës së SPAK.
Kryebashkiaku i Tiranës akuzohet për korrupsion pasiv i funksionarëve të lartë shtetërorë ose i të zgjedhurve vendorë, kryer në bashkëpunim, në 9 raste.
Veliaj akuzohet për pastrim të produkteve të veprës penale, kryer në bashkëpunim më shumë se njëherë, si dhe futja ose mbajtja e sendeve të ndaluara në institucionin e ekzekutimit të vendimeve me burgim më shumë se një herë.
Krybashkiaku akuzohet për refuzim për deklarimin, mosdeklarim, fshehje ose deklarimi i rremë i pasurive. Ndaj Veliajt rëndon edhe akuza e shpërdorimit të detyrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
