Departamenti i Shtetit ktheu në vend një grup diplomatësh me mision në Guangzhou, Kinë. Vendimi u mor pas shqetësimeve për një sëmundje misterioze që i ngjan dëmtimit të trurit dhe që ka prekur edhe një pjesë të personelit të në Kubë, raporton Reuters. Pasi u konfirmua se një punonjës i konsullatës kishte pasur “një incident mjekësor” në qytetin jugor të Kinës, DASH dërgoi një ekip për të vlerësuar gjendjen, bëri të ditur zëdhënësja Heather Nauert.
Pas analizave, diplomati u dërgua në SHBA për verifikime të mëtejshme.
“New York Times” raportoi të mërkurën se të paktën dy amerikanë që kishin dëgjuar zhurma të çuditshme dhe ishin sëmurur në Kinë u kthyen në atdhe me vendim të Departamentit të Shtetit.
Vitin e shkuar, 24 punonjës amerikanë dhe familjarë të tyre në Kubë shfaqën të njëjtat simptoma, të cilat janë të ngjashme me tronditjet dhe traumat e lehta të trurit. Ky incident i shtoi tensionet mes Havanës dhe Uashingtonit.
Sekretari i shtetit, Mike Pompeo, tha në një deklaratë të martën se DASH do të ngrejë një task force në lidhje me këto incidente të pashpjegueshme shëndetësore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
