Një vrapues nga Etiopia dhe një tjetër nga Kenia u shpallën fitues të Maratonës së Nju-Jorkut. Etiopiani Lelisa Desisa mbërriti i pari në finish në Central Park me një kohë vrapimi prej 2 orë, 5 minuta e 59 sekonda.
Ndërsa keniania Maty Keitany u shpall vrapuesja më e shpejtë femër, me një kohë prej 2 orë, 22 minuta e 48 sekonda. Keitany e fiton këtë çmim për herë të katërt.
Në maratonën e Nju-Jorkut morën pjesë 50 mijë vrapues.
Rasti i fitueses nga Kenia të kujton Maratonën e Tiranës, e cila u mbajt me 7 tetor. Një tjetër vrapuese nga Kenia arriti e para në finish, por pavarësisht kësaj fituese u shpall atletja Luiza Gega.
Me përfundimin e garës dhe ngjitjen në podium të tre finalistëve, sportistes keniane iu tha kishte ndodhur një gabim dhe se ajo ishte renditur e dyta.
Si organizatore e Maratonës, Bashkia e Tiranës i dha titullin atletes Luiza Gega, duke thënë se ajo ishte nisur 4 minuta me vonesë për shkak të pjesëmarrjes në ceremoni, por koha e saj është me e shpejtë se e rivales kenianes.
Kjo e fundit, në shenjë proteste, zbriti nga podiumi kur kryebashkiaku Veliaj i dha Gegës medaljen e artë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
