Një grua nga Florida shkoi të qëndronte në një Air BnB në Tulum dhe shpresonte të kalonte pushime argëtuese. Në vend të kësaj, ajo ishte e mbushur me tension që filloj që në momentin e mbërritjes. Amber Jackson dhe miqtë e saj besojnë se do të bëheshin viktima të trafikimit seksual.
Së pari, ishin spërkatjet misterioze të bojës në derë, të cilat Jackson thotë se dukeshin si gjak. Ajo kontaktoi portierin dhe ai iu tha se nuk kishte arsye për alarm, pasi në fakt ishte bojë. Kjo nuk ia zbuti aspak frikën, por ajo dhe miqtë e saj vendosën të qëndronin në shtëpinë me qira siç ishte planifikuar.
Më pas, Jackson vuri në dukje se nuk kishte asnjë mënyrë për të mbyllur dhomat e gjumit. Sipas Apartments Apart, “ajo vuri re se tastierat për të vendosur kodin e dhomave nuk ishte vendosur; në thelb do t'i jepte çdokujt akses në dhomat e tyre në çdo kohë.”
Problemi i tyre filloi në ditën e tretë të qëndrimit të tyre kur një burrë i panjohur që pretendonte se ishte roje sigurie u shfaq para shtëpisë. Por ai nuk kishte qenë aty që në fillim, gjë që i bëri të qiramarrësit të dyshonin.
Jackson përsëri iu drejtua portierit dhe pronarit, por nuk pati sukses të komunikonte. Ajo dhe shoqet e saj shkuan të flinin me thika posht jastikut dhe u larguan të nesërmen.
Wild 94.1 raportoi se “kjo nuk ishte gjithçka, Jackson kontaktoi drejtpërdrejt me Air BnB dhe ajo më në fund mori një përgjigje nga pronari i shtëpisë, i cili i ofroi asaj një rimbursim prej 67 dollarësh kur totali ishte 3,671,65 dollarë. Jackson më pas postoi një koment të keq për shtëpinë në AirBnB, por vuri re që komenti i saj ishte fshirë.
Për fat të mirë, Jackson dhe miqtë e saj shpëtuan të padëmtuar. Por kur ajo ndau përvojën e saj në internet, gra të tjera dolën me akuza të ngjashme kundër të njëjtit pronar dhe banesë. Pasi mori një varg komentesh të këqija, pronari ndryshoi emrin dhe foton e profilit në Air BnB.
Ky nuk është hera e parë që shtëpitë me qira për pushime përdoren për të tërhequr viktimat e trafikut seksual.
Në vitin 2018, Global Citizen raportoi se policia në Toronto "vuri në dukje një prirje në rritje të përdorimit të shtëpive në Air BnB për trafikim njerëzor, pas dy arrestimeve të fundit në Zonën e Madhe të Torontos".
Në vitin 2020, Air BnB rriti përpjekjet për ta luftuar këtë duke bashkuar forcat me Polaris, një organizatë jofitimprurëse kundër trafikimit. Air BnB u përball me kritika sepse nuk po bënte mjaftueshëm për të luftuar problemin. Si përgjigje, Air BnB nxori një plan të detajuar për mbrojtjen e mikpritësve dhe të ftuarve.
Kjo përfshinte trajnimin personal për pritës. Sipas USA Today , kjo “do të ndihmonte komunitetin pritës të identifikojë sinjalet ose shkaktarët në natyrën dhe stilin e rezervimit dhe të sigurojë hapa veprimi për të raportuar trafikimin e mundshëm”.
Nëse planifikoni të merrni me qira një Air BnB kudo në botë, jini të vetëdijshëm për ngjarje të tilla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
