Mbi 150 mijë kanë nënshkruar një peticion parlamentar i cili kërkon që vendi i tyre t’i heqë shtetësinë kanadeze Elon Musk për shkak të aleancës së miliarderit të teknologjisë me Donald Trump, i cili e ka nisur presidencën e tij të dytë të SHBA duke kërcënuar vazhdimisht se do të pushtojë fqinjin e pavarur në veri dhe ta kthejë atë në shtetin e 51-të.
Qualia Reed, nisi peticionin në Dhomën e Komunave të Kanadasë, ku u sponsorizua nga anëtari parlamentar i Demokratëve të Ri dhe u pranua nga kritiku i Musk, Charlie Angus.
I lindur në Afrikën e Jugut dhe drejtues i kompanive amerikane, duke përfshirë prodhuesin e automjeteve elektrike Tesla, kompaninë e hapësirës ajrore SpaceX dhe platformën e mediave sociale X, Musk ka nënshtetësi kanadeze përmes nënës së tij, e cila është nga kryeqyteti i Saskatchewan, Regina.
Peticioni i Reed i paraqitur më 20 shkurt e akuzon Musk se është “angazhuar në aktivitete që janë kundër interesit kombëtar të Kanadasë” duke vepruar si këshilltar i Trump.
Peticioni pohon se afrimi i Musk me Trump e bën një anëtar të një qeverie të huaj që po përpiqet të fshijë sovranitetin kanadez.
Ajo i kërkon kryeministrit kanadez Justin Trudeau t’i heqë pasaportën kanadeze Musk dhe t’i heqë shtetësinë me efekt të menjëhershëm.
Trump shpesh e ka tallur Trudeau-n si “guvernator”, titullin që u jepet shefave ekzekutivë të shteteve amerikane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
