OKB do të japë 40 milionë dollarë të tjera për të ndihmuar Ukrainën ndërsa përballet me pushtimin rus. Lajmin e ka bërë të ditur Antonio Guterres, Sekretari i Përgjithshëm i Kombeve të Bashkuara.
Ndërsa fliste nga New Yorku, Guterres tha se fondet do të shkojnë për të siguruar ushqim, ujë, ilaçeve dhe materiale të tjera me rëndësi jetike, po ashtu edhe për të siguruar ndihmë në para për ata që kanë nevojë.
Po ashtu, kreu i OKB-së paralajmëroi se përshkallëzimi i mëtejshëm i konfliktit në Ukrainë, qoftë i rastësishëm apo i qëllimshëm, mund të kërcënojë të gjithë njerëzimin.
Guterres bëri thirrje për ndërprerje të armiqësive dhe për mbajtjen e negociatave serioze të bazuara në parimet e Kartës së OKB-së dhe të drejtës ndërkombëtare”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
