Luftimet në Lindjen e Mesme kanë hyrë në ditën e gjashtë, ndërsa situata në rajon mbetet shumë e tensionuar.
Në analizën e tij në emisionin “Të Paekspozuarit” në MCN TV, analisti Olsi Jazexhi, duke komentuar luftën në Iran, vrasjen e Ali Khameneit dhe mundësinë e një ndryshimi të regjimit në Teheran, u shpreh se përgjegjës për eliminimin e liderit suprem iranian është kryeministri izraelit Benjamin Netanyahu.
Khamenei ishte një figurë qendrore për myslimanët shiitë, është ‘Papa’ pwr ta.
Ajo që ndodhi më 28 shkurt, kur ai u sulmua gjatë një takimi në zyrën e tij, është një akt që mund të krahasohet me një skenar ku dikush do të vendoste të vriste Papën në Vatikan.
Pavarësisht se Irani është një shtet teokratik me problematikat e veta, propaganda izraelite e ka paraqitur ndryshe figurën e liderit suprem iranian.
Vrasja e një lideri të moshuar, i cili kishte edhe probleme të rënda shëndetësore, tregon një akt dëshpërimi nga ana e Izraelit.
Amerikanët nuk donin që të vritej Khamenei, por kjo u bë nga Benjamin Netanyahu, që unë e konsideroj arkitektin e shumë luftërave që SHBA kanë zhvilluar në tre dekadat e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
