Von der Leyen: Tarifat amerikane, goditje për ekonominë globale. Gati të reagojmë

Tarifat amerikane janë një goditje e madhe për ekonominë globale. Do të ketë pasoja për miliona konsumatorë në mbarë botën.

Kështu tha Presidentja e Komisionit Evropian, Ursula von der Leyen, në përgjigjen e saj ndaj tarifave të vendosura nga presidenti amerikan Donald Trump.

Pasiguria do të përhapet si një zjarr i egër dhe do të shkaktojë proteksionizëm të mëtejshëm. Pasojat do të jenë të tmerrshme për miliona njerëz në mbarë botën

 Edhe për vendet më të cenueshme, të cilat tani janë subjekt i disa prej tarifave më të larta të SHBA.

Miliona qytetarë do të duhet të përballen me kostot e rritura. Ilaçet do të vijnë më shumë, si dhe transporti. Dhe inflacioni do të rritet më së shumti.

E di që shumë prej jush ndihen të zhgënjyer nga aleati ynë më i vjetër. Ne duhet të përgatitemi për ndikimin që do të kemi në mënyrë të pashmangshme.

Por BE ka gjithçka që i nevojitet për t’i bërë ballë stuhisë. Dhe uniteti është forca jonë. Ne do të qëndrojmë gjithmonë me ata që shohin të drejtat e tyre të dëmtuara.

Ne jemi gati të reagojmë, por jemi gati dhe të negociojmë, nuk është vonë.

Do të finalizojmë paketën e parë të kundërmasave për çelikun dhe do të përgatisim kundërtarifa të tjera në rast dështimi të negociatave.