Në puntatën e parë, emisioni “Ajsberg”, në MCN TV, u ndal në arrestimin e Fjolla Morinës, disa javë më parë në pikën e kalimit kufitar të Morinës. “Ajsberg” ka rindërtuar të gjithë ngjarjen përmes dokumenteve dhe dëshmive të personave që u bënë pjesë e hetimit dhe procesit në ngarkim të këngëtares nga Kosova.
Mes atyre që Morina ka deklaruar në momentin e arrestimit ishte edhe shtatzënia e saj. “Ajsberg” ka intervistuar mjekët që verifikuan gjendjen e saj shëndetësore dhe zbuluan se Morina në të vërtetë kishte marrë masa për t’u mbrojtur nga shtatzënia.
“Tre ditë më pas Morina rezultoi jo vetëm shtatzënë, por në trupin e saj ka një DIU (dispozitivi intrauterin)”, zbuloi “Ajsberg”.
Fjolla Morina u dënua në mungesë për trafikim armësh. Gjykata caktoi ndaj saj 9 vjet burg, të cilat u ulën në 6 të tilla, për shkak të gjykimit të shkurtuar. Një tjetër element që Ajsberg evidentoi gjatë investigimit të tij ishte fakti se vetë akuza ka kërkuar 7 vjet burg, pra më pak seç vendosi gjykata.
Gjatë procesit, këngëtarja ka qëndruar në arrest shtëpie në një hotel në Kukës, rreth 20 m nga komisariati i qytetit. Kjo nuk e ka penguar atë të “zhduket” pa gjurmë një ditë, për t’u shfaqur në fotot e rrjeteve sociale teksa festonte në Dubai e në Maldive.
Ndërkohë që Fjolla u kthye në Kosovë pas pushimeve ekzotike me Fisnik Sylën, i cili është tashmë i bashkëshorti i saj, trupi gjykues u mblodh për të dhënë vendimin në mungesë të saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
