Shkëmbim zjarri në Shkodër, tre të plagosur

Ngjarje e rëndë në Shkodër, ku tre persona mbetën të plagosur nga një atentat me armë zjarri mesditën e kësaj të shtune. Sipas policisë dhe dëshmitarëve, ngjarja ndodhi në qendër të qytetit, në sheshin “Demokracia”, ku shënjestër e atentatit dyshohet të ketë qenë një vajzë e re. Autori, I identifikuar me iniciale T.L ka qenë duke udhëtuar me një mjet tip “Golf” ngjyrë jeshile kur qëlloi të paktën 8 herë me pistoletë në drejtim të Elona Çukut, e cila në atë moment po dilte nga një dyqan. Si pasojë e të shtënave, Elona Curku mbeti e plagosur në këmbë, sikurse shihet edhe nga pamjet e publikuara nga portal jeta osh qejf. Por ndërkohë plumbat nuk kanë kursyer as dy këmbësorët Enrik Prendushi dhe Dion Lisi, I cili ndodhet në gjendje më të rëndë shëndetësore.  Tre të plagosurit ndodhen mjekim në spitalin e Shkodrës, teksa policia vijon operacionin për kapjen e autorit që mendohet se fshihet në zonën e shirokës, aty ku dhe u gjet arma tip pistoletë. Ndërkaq vijojnë hetimet për zbardhjen e shkaqeve të atentatit ndaj vajzës, dëshmia e së cilës pritet të hedhë dritë për gjithcka ndodhi.