Autoriteti i Konkurrencës ka dhënë dakordësinë për kërkesën e kompanisë Plus për të dalë nga tregu përmes shitjes së frekuencave te dy operatorët më të mëdhenje, Vodafone dhe Telekom. Më parë, transferimi i përdorimit të frekuencave ishte miratuar edhe nga Autoriteti i Komunikimeve Elektronike dhe Postare.
Sipas statistikave të AKEP-it, operatori Plus ka 208 mijë përdorues aktiv dhe pas mbylljes së aktivitetit të kompanisë Plus, secili përdorues i telefonisë celulare do të ketë të drejtë të zgjedhë operatorin ku dëshiron që ta bartë numrin. Pjesa e Plus në shërbimet e komunikimit të lëvizshëm ka qenë rreth 5%.
Autoriteti i Konkurrencës, në vlerësimin e vet lidhur me këtë transaksion të rëndësishëm, thekson se dalja nga tregu e operatorit me tarifa më të larta terminimi do të krijojë kushte për vazhdimësinë e një konkurrence optimale mes operatorëve të mbetur, me përfitime për klientët. Pas transferimit AKEP do të vendosë kushte në Autorizimet Individuale që do të lëshohen në kohën e fillimit të shfrytëzimit të spektrit dhe mbulimit për të berë të mundur rritjen e efektivitetit të përdorimit dhe shmangien e mbajtjes së bllokuar të tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
