Numërimi i votave për anëtarët e Këshillit Kombëtar të Partisë Demokratike ka përfunduar rreth orës 3 të mëngjesit të ditws sw sotme.
Mësohet se rreth kësaj ore është bërë renditja e të dhënave, të dala nga 14 komisionet e numërimit.
Momentalisht merret vesh se po bëhet renditja e kuotave, sikurse janë gratë, të rinjtë, ne respekt të kuotave të ndarjes në qarqe.
Burimet nga PD bëjnë me dije se shpallja e emrave të 300 anëtarëve të Këshillit Kombëtar do të vonojë në orët në vijim.
Përmes një dalje publike, Gjana tha se numri i delegatëve të pranishëm në Kuvendin Kombëtar, ishte 7 mijë e 646 delegatë, ku vetëm 5 mijë e 703 prej tyre kanë votuar për Këshillin e ri Kombëtar.
Sipas tij, minimalisht 90 prej anëtarëve do të jenë zonja dhe zonjusha, 45 prej tyre do të jenë nga forumi rinor i PD-së, ndërsa pjesa tjetër do të përbëhet nga djem dhe burra.
Dje, mbi 5 mijë demokratë nga mbarë Shqipëria, u bënë bashkë në Kuvendin e Partisë Demokratike, ku është votuar edhe për anëtarët e rinj që do të zgjidhen nga Këshilli Kombëtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
