Ukraina është skuadra e fundit që kualifikohet për në çerekfinalen e Europianit. Skuadra e drejtuar nga Shevchenko ka eliminuar ditën e sotme Suedinë, në një ndeshje dramatike. Ukrainasit janë kualifikuar falë golit të Dovbyk në minutën e 120-të, pasi koha e rregullt u mbyll në barazim 1-1.
Ukraina kaloi e para në avantazh me Zinchenko në minutën e 27-të, ndërsa Forsberg vendosi baraspeshën në minutën e 43-të. Në pjesën e dytë, skuadrat u shfaqën më pak kërkuese, duke u kujdesur të mos pësojnë dhe kështu gjithçka shkoi në shtesa, aty ku situata ishte ndryshe.
Në minutën e 98-të, Suedia mbeti me 10 lojtarë, pasi Danileson u ndëshkua me karton të kuq, pas një ndërhyrje të ashpër ndaj Besedin. Kur të gjithë po prisnin që ndeshja të shkonte me penallti, erdhi edhe goli që vulosi gjithçka. Ishte Dovbyk, i cili pas një krosimi perfekt nga Zichenko, ia doli të shënojë me kokë në frymën e fundit. Në çerekfinale Ukraina do të përballet me Anglinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
