Hoteli më i lartë në botë hapet në Dubai, vendi ku arkitektura moderne ka bërë mrekulli. Hoteli quhet “Gevora” dhe ndodhet në lartësinë 356,3 metra. Luksi nuk ka fund në hotelin e sapoinuguruar në Sheikh Zayed Road, ku mermeri dhe ari stolisin dhomat. Katër restorante, një pishinë dhe palestër ofrojnë shërbimet e tyre në këtë hotel.
Hoteli është ndërtuar në zonën financiare të qytetit. Me 75 katet e tij, ai e kalon lartësinë e kullës Eifel në Paris. Ai përbëhet nga 232 dhoma deluxe, 265 teke dhe 31 suita me sipërfaqe 85 metër katrorë secila.
Hoteli është ndërtuar nga kompania Al Attar Properties, e cila ka ndërtuar edhe hotele të tjera në të njëjtën zonë. Ashensorët janë aq të shpejtë saqë ngjiten në katin e fundit për vetëm 33 sekonda.
Një tjetër rekord janë pishinat dhe Jacuzzi, të vendosura në katin e fundit.
Ndërtimi i strukturave të tilla është pjesë e strategjisë për ndërtimin e një të ardhmeje që nuk bazohet vetëm në të ardhurat nga nxjerrja e naftës. Objektivi është tërheqja e 20 milionë turistëve për vitin 2020. Duket se ky nuk është një objektiv i vështirë, sidomos nëse sheh numrin e turistëve që vizituan Dubain vitin e kaluar. Të dhënat tregojnë se 2017-a mblodhi në Dubai 15.8 milionë turistë nga e gjithë bota, 6.2 % më shumë se në vitin 2016.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
