Të paktën 89 persona kanë humbur jetën në 24 orët e fundit në Minamar, vend ku ushtria ka marrë drejtimin e qeverisë pas puçit të shtetit ndaj partisë fituese në zgjedhje.
Sipas aktivistëve këto kanë qenë orët më të përgjakshme që kur ushtria erdhi në drejtim të vendit me 1 shkurt. Sipas Shoqatës së Ndihmës për të Burgosurit Politk mes viktimave ka edhe fëmijë.
Ngjarjet e përgjakshme erdhën teksa protestuesit shpërfillën paralajmërimet dhe dolën në rrugë në Ditën Vjetore të Forcave të Armatosura. Ndërkohë zyrtarët e SHBA-së, Britanisë dhe BE-së dënuan vrasjet.
"Forcat e sigurisë kanë turpëruar veten duke qëlluar civilë të paarmatosur," tha ambasadori britanik Dan Chugg në një deklaratë. Vdekjet e fundit e kanë çuar në 400 numrin e personave të vrarë nga Ushtria që prej fillimit të protestive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
