Trump ndalon ndihmën ushtarake amerikane për Ukrainën

Presidenti Donald Trump ka urdhëruar ndalimin e ndihmave ushtarake amerikane në Ukrainë, pas debatit të ashpër në Zyrën Ovale me presidentin ukrainas Volodymyr Zelensky javën e kaluar. Lajmi konfirmohet për mediat amerikane nga një zyrtar i Shtëpisë së Bardhë.

Ndërprerja e ndihmës, e cila erdhi pasi Trump mbajti një takimesh me zyrtarë të lartë të sigurisë kombëtare në Shtëpinë e Bardhë. Analistët mendojnë se ky vendim mund të ketë efekt të tmerrshëm në aftësitë luftarake të Ukrainës, dhe do të akumulojë më shumë presion ndaj Zelensy-t. 

Vendimi do të mbetet në fuqi derisa Trump të përcaktojë se Zelensky ka marrë një angazhim për të kërkuar bisedime paqeje, tha një zyrtar.

“Presidenti ka qenë i qartë se ai është i fokusuar në paqe. Ne kemi nevojë që edhe partnerët tanë të jenë të përkushtuar ndaj këtij qëllimi. Ne po ndalojmë dhe rishikojmë ndihmën tonë për t'u siguruar që ajo po kontribuon në një zgjidhje", tha zyrtari i Shtëpisë së Bardhë.

Pushimi do të zbatohet për të gjitha pajisjet ushtarake që nuk janë ende brenda Ukrainës, thanë zyrtarët, dhe përbën një përgjigje të drejtpërdrejtë ndaj asaj që Trump e sheh si sjellje të keqe të Zelensky javën e kaluar.

Ukraina ka të ngjarë të mbajë ritmin e saj aktual luftarak për disa javë, ndoshta deri në fillim të verës, përpara ndalesa e SHBA-ve të nisë të jape efektin e saj.  Administrata Biden nxiti dërgesat e armëve në Ukrainë, duke i siguruar vendit rezerva të mëdha armësh të avancuara.

Janë ato armë të sofistikuara, duke përfshirë raketat ATACMS me rreze të gjatë veprimi, që i kanë lejuar Ukrainës të godasë thellë në territorin rus.

Ndërsa vendet evropiane mund të jenë në gjendje të zëvendësojnë dërgesat amerikane të artilerisë, të plotësuara nga industria e mbrojtjes në rritje e Ukrainës, armët më të avancuara të përdorura nga Kievi vijnë nga Shtetet e Bashkuara.