Kryeministrja e Zelandës së Re Jacinda Ardern ka njoftuar një bllokim mbarëkombëtar pasi vendi konfirmoi një rast me Covid-19.
Ardern tha në një konferencë shtypi se autoritetet po supozonin se ishte varianti ngjitës Delta, megjithatë puna për verifikimin e tij është ende në proces.
Rasti i konfirmuar me Covid është një burrë 58-vjeçar i pavaksinuar në qytetin më të madh të vendit Auckland. Ai kishte udhëtuar në pjesë të tjera të vendit dhe kishte lidhje me kufirin, tha Drejtori i Përgjithshëm i Shëndetësisë Ashley Bloomfield.
Zelanda e Re do të jetë nën nivelin më të rreptë të bllokimit për tre ditët e ardhshme. Nën bllokimin e nivelit të katërt, të gjithë duhet të qëndrojnë në shtëpi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
