Partitë opozitare në Izrael kanë arritur marrëveshjen për të formuar një qeveri të re që t’i japin fund mandatit 12-vjeçar të Benjamin Netanyahut si kryeministër.
Yair Lapid, udhëheqësit e partisë qendrore Yesh Atid, bëri me dije se ishte arritur të formohej koalicioni me 8 fraksione.
Sipas një marrëveshje me rotacion, kreu i partisë së krahut të djathtë Yamina, Naftali Bennett, do të shërbejë si kryeministër fillimisht dhe më pas do t'i dorëzojë postin Lapid.
Megjithatë duhet të ketë dhe një votim në parlament përpara se qeveria të betohet.
Sidoqoftë, me votimin që nuk pritet të zhvillohet për disa ditë, ekziston ende një shans që ky koalicion i sapoformuar të mund të pezullohet nga dezertimet.
Në një deklaratë, Lapid tha se ai e kishte informuar Presidentin Reuven Rivlin për marrëveshjen, duke shtuar: "Unë premtoj se kjo qeveri do të punojë në shërbim të të gjithë qytetarëve izraelitë, atyre që e votuan atë dhe atyre që nuk e bënë atë.
Ajo do të respektojë kundërshtarët e saj dhe do të bëjë gjithçka që është në fuqinë e saj për të bashkuar dhe lidhur të gjitha pjesët e shoqërisë izraelite."
Një foto e shpërndarë në mediat izraelite shihej Lapid, Bennett dhe udhëheqësi i partisë islamike arabe Raam, Mansour Abbas, duke nënshkruar marrëveshjen, një marrëveshje që shumë e menduan të pamundur.
Kjo është hera e parë në dekada që një parti arabe izraelite është bashkuar me qeverinë.
Partitë e tjera që përfaqësojnë arabët izraelitë - të cilët përbëjnë 20% të popullsisë - kanë thënë se ata do të kundërshtojnë një qeveri të udhëhequr nga Bennett, i cili kundërshton konceptin e një shteti palestinez, raporton agjencia e lajmeve AFP.
Abbas u tha gazetarëve: "Vendimi ishte i vështirë dhe kishte disa mosmarrëveshje, por e rëndësishme është që u arrit." Ai tha se kishte "shumë gjëra në këtë marrëveshje për të mirën e shoqërisë arabe".
Në shënimin e tij drejtuar presidentit, Lapid tha se ai do të kryesonte qeverinë së bashku me Bennett, të cilin ai do ta zëvendësonte si kryeministër në 27 Gusht 2023.
Rivlin i ka bërë thirrje parlamentit që të mblidhet sa më shpejt të jetë e mundur për të mbajtur votën e besimit.
Nëse koalicioni nuk arrin të fitojë mbështetjen e një mazhorance në Knesset me 120 vende, ekziston rreziku që vendi të shkojë në zgjedhje për herë të pestë në dy vjet.
Anëtarët e koalicionit përfshijnë spektrin e plotë të politikës izraelite. Palët kanë pak gjëra të përbashkëta politikisht përveç planit të tyre për të zëvendësuar Netanyahu.
Burimi: BBC Përshtati:MCNtv.al
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
