Një ngjarje e rëndë ka ndodhur në Lushnjë ku një 82-vjeçar i identifikuar si Behar Musaku plagosi me armë zjari vajzën 40-vjeçare Rudina Musaku, dhe më pas dyshohet se i moshuari ka vrarë veten. Shtetasja Rudina Musaku ndodhet në spitalin e Lushnjës, në kujdesin e mjekëve, në gjëndje të rëndë shëndetësore.
Fqinjët e familjes Musaku thanë që vajza është e divorcuar dhe kishte ardhur për vizitë te prindërit, ndërkohë që punonte dhe jetonte në Tiranë.
Sipas dëshmitarëve bëhet fjalë për një sherr të çastit dhe në momentin e vrasjes me ta ka qenë edhe gruaja e të moshuarit. Ata jetonin në një banesë dy katëshe me dy djemtë e tyre, me hyrje të ndara. E plagosura Rudina Musaku prej 4 vitesh jetonte në Tiranë, ndërsa më herët kishte emigruar në Gjermani. Ajo ka dy fëmijë, një vajzë 17 vjeçe dhe një djalë 16 vjeç.
Në njoftim thuhet: “Rreth orës 15:15, në lagjen "18 Tetori", Lushnjë, shtetasi B. M., rreth 82 vjeç, dyshohet se pas një konflikti të çastit, ka plagosur me armë gjahu të cilën e dispononte me leje, vajzën e tij, shtetasen R. M., rreth 40 vjeçe, dhe më pas dyshohet se ka vrarë veten.
Shtetasja R. M., ndodhet në spitalin e Lushnjës, në kujdesin e mjekëve, në gjëndje të rëndë shëndetësore. Grupi hetimor vijon punën për sqarimin e rrethanave, dhe dokumentimin e plotë ligjor të këtij rasti”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
