Kryeministri Edi Rama ka nisur vizitën zyrtare dyditore në Turqi, me ftesë të Presidentit Erdogan, i shoqëruar nga pjesa më e madhe e kabinetit qeveritar.
Kryeministri shqiptar u prit me ceremoni zyrtare, me limuzinë dhe i shoqëruar nga disa kalorës.
Rama do të zhvillojë sot dhe nesër vizitën zyrtare me ftesë të presidentit Erdogan. Pritet që pjesë e diskutimeve mes dy liderëve të jenë marrëdhëniet mes dy vendeve si dhe të shkëmbehen mendime mbi zhvillimet aktuale rajonale dhe ndërkombëtare.
Postimi i kryeministrit Edi Rama:
Ankara – Ceremonia Zyrtare e Pritjes së Delegacionit shqiptarë në Kompleksin Rezidencial
Rama e ka cilësuar këtë vizitë si shumë të rëndësishme për të hapur një kapitull të ri bashkëpunimi mes dy qeverive dhe për të nënshkruar një sërë marrëveshjesh me rëndësi në kuadrin e partneritetit strategjik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
