Policia e Durrësit ka arrestuar 4 shtetase kineze, mes tyre organizatorja e dyshuar e një rrjeti prostitucioni që vepronte në një vilë të marrë me qira në lagjen nr. 13, Plazh.
Në kërkim është shpallur një shtetase angleze, e dyshuar si bashkëpunëtore në organizim dhe përshtatje të vilës për ushtrim prostitucioni.
Në prangat e policisë kanë rënë F. W., 46 vjeçe, për veprën penale “Shfrytëzimi i prostitucionit”, e cila dyshohet se ishte drejtuese e dhe organizatore e këtij rrjeti prostitucioni L. M., 55 vjeçe, L. Ch., 49 vjeçe dhe Zh. H., 47 vjeçe, për veprën penale “Prostitucioni”.
Janë proceduar penalisht edhe 10 persona të tjerë, mes tyre 2 shtetase kineze dhe 8 shqiptarë.
Policia sekuestroi pasaporta, para, karta banke dhe telefoni. Hetimet vijojnë, pasi dyshohet se aktiviteti drejtohej nga jashtë vendit përmes telefonatave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
