Escobar dhe Lajçak të hënën zhvillojnë takime në NATO 

I dërguari i SHBA-ve për Ballkanin Perëndimor, Gabriel Escobar, dhe përfaqësuesi i BE për dialogun Kosovë-Serbi Miroslav Lajçak, pritet të takohen më 9 janar me zëvendëssekretarin e përgjithshëm të NATO-s, Mircea Geoana.

Në një njoftim të NATO-s bëhet po ashtu me dije se Escobar dhe Lajçak do të marrin pjesë edhe në një takim jozyrtar të Këshillit të Atlantikut Verior. Takimi do të zhvillohet pa praninë e medias. Kujtojmë që dy zyrtarët e lartë pritet që në ditët në vijim të vizitojnë Kosovën.