Samiti i BE-së në Tiranë, Hohmann: Tregon rëndësinë që ka Ballkani Perëndimor për ne

Ambasadorja e BE-se Christiane Hohmann, ka folur nga qyteti i Korçës për samitin e BE-së që për herë te parë do të organizohet jashtë Unionit.

Hohmann tha se fakti që Samiti do të mbahet në Shqipëri tregon sesa i rëndësishëm është Ballkani Perëndimor dhe anëtarësimi i këtyre vendeve në BE. 

Është hera e parë që samiti ndërmjet BE dhe Ballkanit Perëndimor organizohet jashtë BE-së dhe që vjen në rajonin e Ballkanit Perëndimor për herë të parë.  Gjithashtu vjen për herë  të parë  edhe në Shqipëri.

Kjo tregon edhe theksin e madh dhe rëndësinë që ka për ne gjithë rajoni i Ballkanit Perëndimor, pra sa i rëndësishëm është ai për BE dhe sa i rëndësishëm është për ne anëtarësimi i vendeve të Ballkanit Perëndimor në BE dhe sidomos puna që do të vijojnë të bëjnë këto vende drejt Unionit. Kjo natyrisht është shumë e rëndësishme edhe për Shqipërinë, por edhe për faktin që në Shqipëri do të vijnë në 6 dhjetor udhëheqësit liderat e gjithë BE për të diskutuar çështje shumë të rëndësishme për të ardhmen e BE por dhe vendeve të rajonit.