Një pinguin është gjetur në brigjet e Zelandës së Re, të paktën 3,000 kilometra (1,864 milje) larg habitatit të tij natyror të Antarktidës.
Pinguini Adélie, i cili tani është quajtur me dashuri Pingu nga vendasit, u gjet i humbur në bregdet.
Harry Singh, banori lokal që e gjeti, tha se fillimisht mendonte se ai ishte një "lodër".
Ky është incidenti i tretë i regjistruar i një pinguini Adelie që gjendet në brigjet e Zelandës së Re.
Singh dhe gruaja e tij takuan pinguinin për herë të parë kur ishin duke ecur pas një dite të gjatë pune në plazh në Birdlings Flat, një vendbanim në jug të qytetit të Christchurch.
“Së pari mendova se (ishte) një lodër, papritmas pinguini lëvizi kokën, kështu që kuptova se ishte e vërtetë”, tha zoti Singh për BBC.
Pamjet e pinguinit të postuara në faqen e z. Singh në Facebook treguan se pinguini dukej i humbur dhe i vetëm.
"Nuk lëvizi për një orë... dhe [dukej] i rraskapitur", tha zoti Singh.
Singh thërriti shpëtimtarët e pinguinëve pasi ishte i shqetësuar se pinguini nuk po hynte në ujë, duke e bërë kështu një objektiv të mundshëm për kafshët e tjera grabitqare që enden në plazh.
“Ne nuk donim që ajo të përfundonte në stomakun e një qeni apo maceje”, tha ai.
Ai përfundimisht arriti te Thomas Stracke, i cili ka qenë duke rehabilituar pinguinët në ishullin jugor të Zelandës së Re për rreth 10 vjet.
Stracke u trondit kur zbuloi se pinguini ishte një pinguin Adélie - një specie që jeton vetëm në gadishullin Antarktik. Stracke, së bashku me një veteriner, shpëtuan pinguinin po atë mbrëmje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
