Aksidentohen dy minatorë në Martanesh, një i vdekur dhe një i plagosur

Dy minatorë janë aksidentuar në një minierë në Martanesh, duke bërë që njëri të gjejë vdekjen dhe tjetri të mbetet i plagosur.

Rreth orës 12.50 të ditës së sotme, dyshohet se janë aksidentuar gjatë punës në një subjekt minerar në Thekën, Martanesh, shtetasi  A.P.,  dhe H.B., të dy me detyrë vagonist në minierë.

Si pasojë e plagëve të marra shtetasi A.P., ka humbur jetën, ndërsa shtetasi H.B., është transportuar në spital për ndihmë mjekësore.

Policia po shoqëron personat përgjegjës për veprime të mëtejshme, dhe në përfundim të veprimeve të para hetimore, do të ketë njoftim.