Një sasi prej 800 kg marijuanë, 3 kg kokainë si dhe armë të ndryshme janë konfiskuar nga policia italiane.
Guardia di Finanza ka përfunduar sot në mëngjes operacionin e koduar “Sperem” në provincat e Milanos, Comos dhe Monza Brianza.
Hetimet e prokurorit Antonio Nalesso kanë zbuluar një rrjet të trafikut të marijuanës dhe kokainë nga Shqipëria.
Droga ishte e destinuar për në Lazio, Marche, Toscana, Veneto, Lombardia, Piemonte, Abruzzo dhe Emilia Romagna.
Gjatë hetimeve që kanë nisur në mars të vitit 2016, është sekuestruar lënda narkotike, si dhe një armë tip stilolaps, një pistoletë tip Tokarev, e përdorur nga Ushtria e Kuqe gjatë Luftës së Dytë Botërore, etj.
Në pranga kanë përfunduar 7 persona, kryesisht menaxherë të drogës.
Ata janë arrestuar nga muaji korrik i vitit të shkuar deri më sot dhe në pranga kanë përfunduar shqiptarët me iniciale B.B, 36 vjeç, V.M, 32 vjeç, R.B, 34 vjeç, M.S, 38 vjeç, italian si dhe X.B, 42 vjeç, shqiptari, E.R, 30 vjeç, po shqiptar si dhe B.B. 27-vjeç, malazez.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
