Zëvendëskryeministri dhe një nga liderët e koalicionit opozitar shqiptar VLEN, Izet Mexhiti, ka shpallur fitoren historike në komunën e Çairit në Shkup, bastion i njohur shqiptar dhe simbolik për politikën shqiptare në Maqedoninë e Veriut.
Mexhiti, dikur figurë e rëndësishme e BDI-së dhe rival i brendshëm i Ali Ahmetit, u përball në këtë garë zgjedhore me Bujar Osmanin, nënkryetar i BDI-së dhe ish-ministër i Jashtëm, të dy ishin cilësuar më parë si pasardhës të mundshëm të Ali Ahmetit.
Sipas gazetarit nga Shkupi, Fejzi Hajdari, në një intervistë për “MCN live”, fitorja e Mexhitit nuk është thjesht një rezultat elektoral, por një mesazh i qartë për lidershipin aktual të BDI-së se epoka e tyre ka mbaruar.
Ishte një garë ndërmjet lidershipit të BDI-së, si parti e shqiptarëve që i përkiste 24 vite me radhë dhe kjo betejë u zhvillua me ish- përfaqësuesin e lartë të BDI-së, Izet Mexhiti.
Ky ishte një mesazh se epoka e BDI-së tyre po përfundon dhe reforma politike në këtë subjekt është e pashmangshme.
Gara në Çair ishte simbolike, përballë u vunë dy ish-bashkëpunëtorë dhe figura të larta të BDI-së.
Fitorja e Mexhitit tregon se elektorati shqiptar po kërkon ndryshim dhe rikthimin e përfaqësimit të vërtetë.
Koalicioni VLEN, pjesë e të cilit është edhe Mexhiti, ka triumfuar gjithashtu në dy komuna të tjera me shumicë shqiptare, duke forcuar pozitat e tij në skenën politike shqiptare në Maqedoninë e Veriut.
Kjo fitore shihet si një kthesë e rëndësishme që mund ta çojë BDI-në për herë të parë pas shumë vitesh drejt opozitës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
