Shtetasi britanik që vijon ende të jetë në kërkim për vrasjen e Ardian Nikulaj më 19 Prill në Shëngjin, është Harry Simpson. Mediat angleze shkruajnë se ky person është i njohur për autoritetet vendase, pasi ka të shkuar kriminale.
Ai rezulton i dënuar në vitin 2019 në Britani të Madhe për shitje të lëndëve narkotike në rrugët e Londrës. Gjithashtu, është dënuar në vitin 2015 me 5 vite e 3 muaj burg, asokohe ka qenë vetëm 24 vjeç.
Në Shkurt të vitit 2015, Simpson është ndaluar nga policia teksa ka qenë duke drejtuar një mjet tip BMW të marrë me qira. Atij iu konfiskua kokainë dhe kanabis me vlerë 40 mijë paund, ndërkohë që gjatë kontrollit të ushtruar në shtëpi i janë gjetur edhe para cash për të cilat autoritete thonë se ishin të ardhura nga aktiviteti kriminal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
