Përkitazi me valën e rritjes së çmimeve në vend, kryesisht të çmimeve të shportës dhe të karburantit, eksperti i ekonomisë, Eduart Elezi, thotë se janë drejtpërdrejtë abuzime nga tregtarët.
Në një komunikim me edicionin e lajmeve në MCN TV, Elezi sugjeron ndërhyrjen e menjëhershme nga ana e shtetit për të ndaluar këto abuzime.
Rritja e çmimeve ka një ndikim nga bursat ndërkombetare në rritjen e karburanteve, porse rritja e çmimeve e menjëhershme brenda ditës është abuzive. Kjo do ndërhyrjen e shtetit, sepse brenda ditës nuk është e mundur të rriten me mbi 25 %, prandaj duhet ndërhyrja e shtetit të kontrolloj rritjet abuzive të karburantit në vend.
Kjo duket se është mosseriozitet i marrjes së situatës në dorë dhe e dyta qeveria është e lidhur me kartelet ekonomikë, duket se ka abuzivitet nga qeveria, nuk ka interesim për të marrë në mbikëqyrje abuzuesit, është jashtë çdo limit.
Elezi thotë se kjo krizë e konfkliktit Rusi-Ukrainë në këtë valë rritjeje po ndikon jo vetëm për karburantet, por edhe për energjinë.
Në lidhje me konsumatorin familjar, duhet shteti shqiptar të jap subvencione për mirëmbajtjen e tarifës, dhe për biznesin e vogël dhe atë familjar të mos ndryshojë tarifën, sepse impakti do të jetë shumë i lartë. Shteti duhet me patjetër të ndërmarrë masa dhe të ndërhyjë me subvencione ose me forma të tjera për mbajtjen e tarifave, nëse edhe kjo kalon në abuzim, do të ketë katastrofë të krizës së jashtëzakonshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
