Kundërshtarët e Putin në Rusi po dënohen me radhë. Të paktën kjo përshtypje të krijohet pas lajmit se Lyubov Sobol, një aleate e ngushtë e opozitarit Alexei navalny, është dënuar me një vit punë në komunitet.
Lajmin e njoftoi vetë Sobol nëpërmjet rrjeteve sociale teksa shihet pranë policisë.
“Vendimi në çështjen time penale në lidhje me një përpjekje për të biseduar me helmuesin e Navalnyt, Konstantin Kudryavtsev – fajtore, punë korrektuese për 1 vit”, shkroi ajo fillimisht në Twitter.
“Ndërkohë, çështja për vrasjen e mbetur në tentativë të Navalnyt ende nuk është iniciuar”, tha Sobol.
Gjyqi kundër Sobolit vjen në kushte të shtypjes kundër aleatëve dhe mbështetësve të Navalnyt, të cilët organizuan disa tubime për të protestuar arrestimin e tij në fillim të këtij viti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
