Një ish-zhytës i marinës në Tajlandë ka humbur jetën teksa po merrte pjesë në përpjekjet për të shpëtuar 12 djem dhe trajnerin e tyre të futbollit, të bllokuar në një shpellë të përmbytur në Tajlandë.
Zyrtari Saman Gunan humbi ndjenjat në rrugën e tij drejt kompleksit të shpellës Tham Luang, ku ai u kishte dërguar djemve bombula oksigjeni.
Djemtë janë bllokuar prej gati dy jave në një dhomë në shpellë.
"Puna e tij ishte të jepte oksigjen. Ai nuk kishte mjaftueshëm në rrugën e tij", tha zëvendësguvernatori i Chiang Rai.
Ai u nxor nga partneri i tij i zhytjes, por nuk mundi të shpëtonte.
Saman Gunan, i cili mendohet se është 38 vjeç, siç shkruan BBC, kishte lënë punën në marinë, por u kthye për të ndihmuar në operacionin e shpëtimit. Zyrtarët thanë se funerali i tij do të sponsorizohet nga mbreti Thai.
Megjithëse gjetja e tyre u konsiderua mrekulli, tanimë ngjarja po merr përmasa të tjera.
Grupi i djemve u gjet nga zhytësit britanikë të shpëtimit pas 10 ditësh në shpellë, të vendosur në një dhomë të vogël rreth 4 kilometra larg hyrjes së shpellës.
Ekipet e zhytësve vendas dhe ndërkombëtar i kanë furnizuar me ushqim, oksigjen dhe kujdes mjekësor, por ka shqetësime në rritje rreth nivelit të oksigjenit në dhomë, që zyrtarët thanë se kishte rënë në 15%. Niveli i zakonshëm është 21%.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
