Luanët e Kenias po ndryshojnë dietën e tyre. Shkak për këtë janë bërë milingonat me kokë të madhe Pheidole megacephala, një nga speciet aliene pushtuese më të dëmshme.
Ky insekt mbërriti në vend pesëmbëdhjetë vjet më parë, duke e kthyer gradualisht të gjithë ekosistemin përmbys, deri në atë pikë sa i detyroi luanët të ndryshojnë zakonet e gjuetisë për të mbijetuar.
Kjo është ajo që del nga një studim i drejtuar nga Universiteti i Wyoming në Shtetet e Bashkuara të Amerikës dhe i publikuar në revistën “Science”.
Studiuesit kanë mbledhur të dhëna për më shumë se tridhjetë vjet që tregojnë se kjo milingonë, vendase në një ishull në Oqeanin Indian, po ndryshon të gjithë ekosistemin, duke larguar milingonat lokale që folezojnë në pemët e akacies, duke i mbrojtur ato nga sulmet e barngrënësve.
Me mungesën e këtyre “gardianëve” të vegjël, pemët filluan të shkatërroheshin më lehtë nga gjirafat dhe elefantët.
Në një peizazh gjithnjë e më shterpë, luanët nuk kishin më zona ku të fshiheshin për të zënë pritë gjahun e tyre të preferuar, zebrat. Për të korrigjuar këtë, këtyre kafshëve iu desh të ndryshonin objektivin e tyre në buallicë, të cilat janë më të vështira për t’u gjuajtur.
Nga viti 2003 deri në vitin 2020, përqindja e vrasjeve të zebrave nga luanët ra nga 67% në 42%, ndërsa përqindja e vrasjeve të buallit shkoi nga zero në 42%.
Prandaj, milingonat e huaja po “lirojnë lidhjet që mbajnë së bashku ekosistemin afrikan, duke përcaktuar se kush ku hahet”, vëzhgojnë studiuesit.
Prandaj, studimi tregon se “ruajtja e ekosistemeve nuk kërkon vetëm shpëtimin e specieve nga zhdukja, por ruajtjen e ndërveprimeve ekzistuese midis specieve”, nënvizon Kaitlyn M. Gaynor , ekologe në Universitetin e Kolumbisë Britanike në Kanada.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
