Kryeministri Edi Rama dhe ministri i Jashtëm, Ditmir Bushati, do të takohen me Presidentin e Parlamentit Europian, Antonio Tajani dhe Përfaqësuesen e Lartë të BE-së, Federica Mogherinsë në një konferencë në Parlamentin Europian të organizuar nga eurodeputeti David Sassoli të martën më 20 mars në Bruksel, ku do të diskutohet perspektiva e anëtarësimit të Shqipërisë në Union,-njofton agjencia italiane e lajmeve ANSA.
Për eurodeputetin Sassoli, Shqipëria është e gatshme për të hapur negociatat për anëtarësim në Bashkimin Evropian dhe, në vitet e fundit, Shqipëria është impenjuar me vendosmëri në reformat që kanë të bëjnë me sundimin e ligjit, qeverisjen, ekonominë dhe drejtësinë.
Takimi parashikon javën vendimtare për dialogun midis Tiranës dhe Brukselit. Më 17 prill, në fakt, Komisioni Evropian do të publikojë 'paketën e zgjerimit ", e cilat, sipas burimeve të BE-së, pritet të njoftojë dorëzimin e rekomandimeve nga Komisioni Evropian në Këshillin Evropian për hapjen e negociatave me Shqipërinë dhe Maqedoninë. Negociatorët shqiptarë do të jenë në Bruksel të hënën më 19 mars dhe fjala e fundit do të jetë nga 28 vendet anëtare të BE.
Kushti i fundit që duhet të plotësohet në Tiranë është zbatimi i plotë i reformës së drejtësisë, e cila përfshin procesin e verifikimit të përbërjes së organit gjyqësor në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
