Edhe në ditën kur festohen Pashkët Ortodokse, lufta në Ukrainë nuk ndalet. Luftimet midis pushtuesve rusë dhe forcave lokale vazhdojnë me intensitet në frontet e ndryshme të ofensivës së nisur nga Moska në Donbass, si dhe bombardimet e qyteteve. Në Jug të vendit, mbi të gjitha në Mariupol, qytet i rrethuar që nga fillimi i konfliktit dhe Odessa, ku ukrainasit i frikësohen mundësisë së një sulmi me armë kimike.
Ndërkohë, OKB-ja po bën thirrje për një armëpushim "të menjëhershëm" në Mariupol për të evakuuar civilët nga qyteti ukrainas i rrethuar nga forcat ruse. Presidenti turk Recep Tayyip Erdogan zhvilloi një bisedë telefonike me homologun ukrainas Volodymyr Zelensky, të fokusuar në negociatat Rusi-Ukrainë.
Kjo është bërë e ditur nga zyra e presidencës turke e cituar nga Tass. Gjatë bisedës telefonike, Erdogan përsëriti gatishmërinë e Turqisë për të mbështetur procesin e negociatave, duke përfshirë edhe një rol ndërmjetësues.
"Kam pasur një bisedë të rëndësishme telefonike me Erdoganin. Theksova nevojën për evakuimin e menjëhershëm të civilëve nga Mariupol, përfshirë fabrikën e çelikut Azovstal, madje edhe për trupat e bllokuara”, shkruan Zelensky në “Twitter”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
