Presidentja peruane Dina Boluarte shpalli të mërkurën gjendjen e jashtëzakonshme në tre rajone të prekura nga zjarret shkatërruese të pyjeve të cilat kanë djegur zona të Andeve dhe Amazonën e vendit dhe kanë shkaktuar 16 të vdekur.
Rajonet veriore shumë të pyllëzuara të Amazonës, San Martin dhe Ucayali do të jenë nën masat e reja të urgjencës, tha presidentja, pas kërkesave nga autoritetet lokale në mënyrë që të ndahen më shumë burime për të luftuar zjarret.
Zjarret në pyje janë të shpeshta në Peru midis gushtit dhe nëntorit, kryesisht për shkak të djegies së kullotave të thata për të zgjeruar kufijtë bujqësorë dhe ndonjëherë nga trafikantët e tokës, sipas të dhënave nga Ministria e Mjedisit.
Kryeministri i Perusë u kërkoi të hënën komuniteteve bujqësore që të ndalonin djegien e kullotave pasi mijëra hektarë janë djegur nga flakët.
Të dhënat satelitore të analizuara nga agjencia e kërkimit hapësinor të Brazilit në fillim të këtij muaji regjistruan një rekord prej 346.112 pikash zjarri deri më tani për këtë vit në të gjithë Amerikën e Jugut, duke tejkaluar rekordin e vitit 2007 prej 345.322 pika të nxehta në një seri të dhënash që shkon prapa në 1998.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
