Pekini rihap Qytetin e Ndaluar të premten, më datë 1 maj, pas mbylljes së vendosur në datën 25 janar si pjesë e përpjekjeve për të frenuar përhapjen e koronavirusit. Kjo është lëvizja e fundit nga ana e shtetit kinez që tregon se pandemia në Kinë është nën kontroll. “Palace Museum”, i cili administron Qytetin e Ndaluar, shpjegoi në faqen e tij të internetit se në fillim do të lejohen të hyjnë jo më shumë se 5 000 vizitorë në ditë, përkundër 80 000 që lejoheshin para krizës së shkaktuar nga Covid-19. Autoritetet kanë forcuar masat për të zvogëluar rrezikun e infeksionit në vendet turistike: përdorimi i maskës është i detyrueshëm, si dhe tregimi i gjendjes shëndetësore bazuar në aplikacionin përditësues, i cili vërteton mungesën e infeksionit. Përveç kësaj ndalohet rreptësisht shkelja distancës ndërnjerëzore prej të paktën një metër. Që nga njoftimi për rihapjen e simbolit të kryeqytetit, i ndërtuar që para 600 vjetësh janë prenotuar rreth 2 500 bileta në internet në më pak se gjysmë ore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
