Një punonjës i Inspektoriatit të Mbrojtjes së Territorit është plagosur me armë zjarri, nga një person, të cilit ishte parashikuar që t’i shembej banesa.
Ngjarja është shënuar ditën e sotme, rreth orës 17:30, në kryqëzimin e rrugës “Todi Shkurti” me rrugën “Kristaq Capo”.
55-vjeçari Qani Muça, dyshohet se ka plagosur me armë zjarri, punonjësin e i IMT-së, shtetasin Ilirjan Gavelli, 52 vjeç, i cili sapo kishte përfunduar ekzekutimin e një vendimi.
Gavelli është dërguar në spital dhe ndodhet nën kujdesin e mjekëve.
Autori është kapur nga shërbimet e policisë dhe është shoqëruar në komisariat, së bashku me armën e përdorur gjatë kryerjes së krimit, për veprime të mëtejshme.
Grupi hetimor ndodhet në vendngjarje dhe po punon për sqarimin e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
