Tentativa për grusht shteti e Prigozhin dhe Wagner, dyshime për gjeneralin rus Surovikin

Zyrtarët amerikanë të informuar nga inteligjenca amerikane, pretendojnë se një gjeneral i lartë rus, Sergei Surovikin, kishte njohuri paraprake për planet e Yevgeny Prigozhin për t’u rebeluar kundër udhëheqjes ushtarake ruse. Lajmi ngriti pikëpyetje se çfarë mbështetje kishte lideri mercenar brenda gradave më të larta. New York Times shkruan se Surovikin i kishte bërë thirrje Wagnerit gjatë grushtit të shtetit, duke i kërkuar ushtrisë që të ndalonte para se të ishte tepër vonë. “Ne jemi të të njëjtit gjak, jemi luftëtarë. Ju kërkoj të ndaloni, është e nevojshme t’i bindemi vullnetit dhe urdhrit të Presidentit të zgjedhur të Rusisë”. Zyrtarët po përpiqen të kuptojnë nëse ish-komandanti i lartë rus në Ukrainë ndihmoi në planifikimin e veprimeve të Prigozhin fundjavën e kaluar, që përbënte kërcënimin më dramatik për Presidentin Vladimir Putin në 23 vitet e tij në pushtet. Gjenerali Surovikin është një udhëheqës i respektuar ushtarak që ndihmoi në forcimin e mbrojtjes përgjatë vijave të betejës pas kundërofensive të vitit të kaluar ukrainas, thonë analistët. Ai u zëvendësua si komandant i përgjithshëm në janar, por ka ruajtur ndikimin në menaxhimin e operacioneve të luftës dhe mbetet i popullarizuar me trupat. Gjithashtu sipas zyrtarëve amerikanë, të tjerë mund të kenë mbështetur përpjekjen e “kuzhinierit të Putinit” për të ndaluar hyrjen e grupit Wagner në ushtrinë e rregullt të Moskës. Kanali Pro-luftës Rybar Telegram tha se Surovikin, një komandant i njohur për pamëshirshmërinë dhe brutalitetin e tij, nuk është parë që nga e shtuna. Luftëtarët Wagner besnikë ndaj udhëheqësit të kompanisë së tyre ushtarake private, Prigozhin, u afruan 124 milje larg Moskës përpara se të largoheshin. Prighozin fajësoi një sulm ajror të supozuar rus ndaj trupave të Wagner në Ukrainë për vendimin e tij për të ngritur një kryengritje. Në komentet e tij të para publike që nga rebelimit, kreu i Wagner tallte forcat ruse. Ai tha se ushtarët e tij me armë mbulonin më shumë tokë sesa kishin arritur pushtuesit e Putinit në Ukrainë. Prigozhin mësohet se ka zbarkuar në Bjellorusi ku dhe po qëndron pas tentativës për grusht shteti.