Një dietë mesdhetare e kombinuar me ushtrime të rregullta dhe të strukturuara mund të zvogëlojë rrezikun e zhvillimit të diabetit me rreth një të tretën tek njerëzit me rrezik më të lartë se normalja.
Një studim i Harvardit, në bashkëpunim me 23 spitale spanjolle, ndoqi 4 700 të rritur të moshës 55-75 vjeç për gjashtë vjet. Ata kishin sindromën metabolike, që do të thotë njerëz me faktorë specifikë rreziku për sëmundjen, siç janë presioni i lartë i gjakut, kolesteroli i lartë dhe sheqeri i lartë në gjak, si dhe pesha e tepërt, veçanërisht dhjami i barkut.
Në fund të testit, vullnetarët në regjimin e ri kishin 31% më pak raste të diabetit sesa ata që ndoqën vetëm dietën mesdhetare. Ndërhyrja në stilin e jetës përfshinte, përveç një diete tipike mesdhetare - pak mish, shumë fruta dhe perime, peshk dhe bishtajore - gjashtë ditë aktivitet aerobik çdo javë, tre ditë ushtrime ekuilibri dhe fleksibiliteti dhe dy ditë stërvitje me pesha. Ata gjithashtu konsumuan afërsisht 500 kalori më pak në ditë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
